Хайсан бүхнээ эндээс

Bug гэж юу вэ?

=CyBeR= — Fri, 29 Oct 2010 15:47:13 GMT

За монголын хэдэн томоохон байгууллагуудын вэб сайтын bug-г ашиглаж жоохон хүүхдүүд ч хакердах болжээ. Тэгээд л үүнд бэлдэх зорилгоор bug гэдэг үгнээс эхлээд юм юм хайж уншиж жаахан бэлтгэл хийв. Сонирхолтой санагдсан тул bug -н түүхээс хэсэгчилэн бичив.

Bug гэж юу вэ?

... Программын алдааг bug (жижиг хорхой) гэж дуудах болсон нь анхны компьютерийн логик түлхүүрт (switch) хэрэглэгдэж байсан цахилгаан дамжуулах реленүүдийн хооронд жижиг хорхой орчихоод, тэг хэсэг холбогдохгүй буруу ажиллаж байснаас гаралтай гэж яригддаг аж.

Дэлхийн хамгийн анхны bug нь 1947 онд Харвардын их сургууль дээр, америкийн усан цэргийн судалгааны лабораторид өгөхийн өмнө тэст хийж байсан компьютерээс гарч ирсэн цагаан эрвээхэй (moth) байдаг гэнэ. Энэ хорхойг тэр үеийн алдааны рефорттой хамт усан цэргийн компьютерийн мүзейд хадгалсан байдаг ажээ.

Java програмчлалын хэлний товч түүх

=CyBeR= — Mon, 20 Sep 2010 10:43:26 GMT

1980-аад оны сүүл, 1990 оны эхээр програмистууд чухамдаа л өөрсдийн төгс програмчлал хэлтэй болсон гэж бодож байлаа. Энэ бол C++. Хүчирхэг C хэлний үндсэн зарчмаас гадна объект хандалт ухагдахуун C++ тусгаж чадсан байлаа. Гэвч 1990 оны интернэтийн хүчтэй давалгаа болох WWW (World Wide Web) гарч ирснээр C++ энэхүү технологит нийцэхээ больсон юм. Ингээд програм хангамж хөгжүүлэгчид дахин "төгс” програмчлалын хэлний эрэлд гарав.

Java хэл бол хэдийгээр C++-ийн дараагаар түүний үндсэн шинж чанаруудыг багтаан хөгжүүлэгдсэн боловч жинхэнэ програмчлалын хэл болж чадсан юм. Зарим мэргэжилтэнгүүд "Java хэл нь Интернэтэд ажиллах боломжтой С++” гэж хэлдэг. Үнэн хэрэгтээ Java нь платформ үл хамаарах гэсэн үндсэн философитой бие даасан програмчлалын хэл юм.

1991 онд Sun Microsystems Inc-ийн Жеймс Гослин (Гослин бол C++ хэлийг зохиож байсан нэгэн), Патрик Найтон, Крис Варт, Эд Франк, Майк Шеридан нар Java-гийн анхны санааг гаргаж эхэлсэн юм. 18 сарын хөгжүүлэлтийн дараа анхны хувилбараа гаргаж, програмчлалын хэлээ "Оаk” гэж нэрлэв. Гослин өөрийн цонхоор байнга хардаг модны нэр "Oak”-аар шинэ хэлээ нэрлэсэн боловч ийм нэртэй өөр програмчлалын хэл байдгийг мэдснийхээ дараа хожим 1995 онд "Java” гэж нэрлэсэн гэдэг (Java-гийн хөгжүүлэгчид ажлын ойролцоох кафед байнга суудаг байсан бөгөөд кафенынхан "Java” гэдэг нэрийг тэдэнд санал болгосон түүхтэй).

Java-г анх олон үйлдлийн систем, платформ үл хамаарах хэл болгох үүднээс хөгжүүлсэн юм. Учир нь тухайн үед ганц компьютер гэлтгүй, гар утас, жижиг зөөврийн компьютер PDA зэрэг олон төхөөрөмжүүд зах зээлд гарч ирж байсан аж. Sun Microsystems Inc-ийнхан энэ чиг хандлагыг урьдчилан харж, Java-г хөгжүүлэх Green төслийг эхлүүлжээ. Харамсалтай нь энэ төсөлд өөр компани ялж, Green төсөл нурах аюулд хүрсэн юм. Аз болоход 1990-ээд онд Web асар хурдацтай хөгжиж эхэлсэн бөгөөд динамик вэб хийхэд Java-г ашиглах боломжтойг багийнхан олж харав. Green төслийн зорилго ч үйлдлийн систем, платформ үл хамаарах байсан учир интернэтэд ажиллах боломжтой програмчлалын хэл бүтээхэд илүү дөхөм болжээ. Ингэж дөрвөн жилийн нөр их хөдөлмөрийн үр дүнд 1995 онд Java-г албан ёсоор олон нийтэд зарласан түүхтэй.

Java нь C++ хэлний бүхий л шинж чанарыг агуулж чадсан төдийгүй харин ч С++-ийн зарим үйлдлүүдийг улам боловсронгуй болгож, аюулгүй найдвартай, тогтвортой гүйцэтгэлтэй жинхэнэ "объект хандалтат, платформ үл хамаарах” хүчирхэг програмчлалын хэл болж чадсан юм.

Алгоритм

=CyBeR= — Thu, 16 Sep 2010 12:30:52 GMT

Математик, компьютер, хэл шинжлэлийн ухаанд "Алгоритм хэмээх ойлголтыг тухайн ажил, үйлдлийг үр бүтээмжтэйгээр гүйцэтгэх аргачлал” гэ:ж тодорхойлдог. Анхны нөхцөл, өгөгдөл утгуудыг (оролт) ашиглан тухайн ажлыг хамгийн үр ашигтайгаар ("хамгийн үр ашигтай байна” гэдэг нь үнэхээр харьцангуй ойлголт юм.) гүйцэтгэж, хүссэн үр дүндээ (гаралт) хүрэх алхмуудыг ерөнхийдөө алгоритм гэдэг.

Алдарт одон орон судлаач, математикч, геометрч перс үндэстэн Аль-Хорезм (Аль-Хорезм /Muḥammad ibn Mūsā al-Khwārizmī/-ийг заримдаа "Алгебрийн эцэг” гэж үзэх нь ч бий. Тэрээр МЭ 780? онд Хорезм одоогийн Узбекстаны Кив хотноо мэндэлж МЭ 850? онд нас барсан) МЭ 825 онд өөрийн "Хинди тоон тооцоололт” хэмээх бүтээлдээ "algorism”, "algorithm” гэсэн үгийг дурьдсан байдаг. Тэрээр "Algorism” гэсэн үгээ "Араб тоон дээр хийх үйлдэл, дүрэм” хэмээн тайлбарласан байлаа. Хожим 18 дугаар зуунд Европчууд Аль-Хорезмийн нэрийг латинаар "Algorithmi” хэмээн орчуулж, тус үгээ "тоог бодох аргачлал” гэж тайлбарласан юм. Үүнээс хойш "алгоритм” хэмээх үг дэлхийн даяар түгж, математик алгебр, компьютерийн шинжлэх ухаанд "үйлдэл алхам, бодох аргачлал” гэсэн утгаар үлдсэн билээ.

Компьютерийн ухаан, програмчлалд "Нэгэн утгатай биелэгдэж болох алхам үйлдлүүдийн төгсгөлөг дарааллыг алхам алхмаар нь гүйцэтгэхэд төгсдөг бол энэ дарааллыг алгоритм гэнэ” гэж тодорхойлдог. Турин машины (Турин машин бол хийсвэр үйлдлийг гүйцэтгэдэг машин юм. Үүнийг 1936 онд Алан Турин тодорхойлж гаргажээ. Алан Турины энэ ажлаар математикийн шинжлэх ухаан компьютерт буух анхны алхам тавигдсан гэж үздэг.) тодорхойлолтонд алгоритмыг дараах гурван үндсэн бүлэгт хуваасан байдаг.

Дээд төвшний тодорхойлолт
Хэрэгжүүлэх төвшиний тодорхойлолт
Формаль (хийсвэр) тодорхойлолт

Дээд төвшний тодорхойлолт бүхий алгоритмыг програмчлалд pseudo code (pseudocode эсвэл pidgin code)-оор төлөөлүүлдэг. Pseudo code гэдэг нь тухайн програмын ажиллах зарчим юм.

Математик, компьютерийн шинжлэх ухаанд математикч, эрдэмтэд тухайн бодлогыг бодох алгоритмыг нээн олж, өөрийн нэрээрээ нэрлэсэн тохиолдлууд маш их байдаг. Бараг хамгийн эртний болох Евклидийн алгоритмыг Грекийн алдарт математикч Евклид (МЭӨ 300?) нь онд анх боловсруулсан юм. Евклид "хоёр тооны хуваагдах шинж чанар”-ыг судалсны үндэс дээр хамгийн их ерөнхий хуваагч (ХИЕХ)-ийг өөрийн алгоритмаар бодож болохыг судалж, өөрийн "Евклидийн элемент” хэмээх алдарт бүтээл (тус номонд зөвхөн Евклидийн алгоритм төдийгүй Евклидийн геометр, теорем, аксиом зэрэг олон ойлголт, ухагдахуун багтсан байдаг)-дээ үлдээсэн байдаг.

Монгол хүн бол заавал үз!!

=CyBeR= — Fri, 03 Sep 2010 06:35:30 GMT

Компьютерийн хаягдлаас алт гаргаж авч болох уу?

=CyBeR= — Thu, 02 Sep 2010 08:52:20 GMT

Хариулт нь тийм.

Гоёл чимэглэлийн зүйлд голчлон хэрэглэдэг алт нь (химийн тэмдэг нь Au) дулаан, цахилгааныг маш өндөр хэмжээнд дамжуулах чадвартай, исэлддэггүй, хувирч, чанараа алддаггүй учраас үйлдвэрлэлд, ялангуяа дээд зэрэглэлийн цахилгаан хэрэгслүүд, тэр дундаа компьютерийн үйлдвэрлэлд хэрэглэгддэг юм. Компьютерийн үйлдвэрлэлд алтыг хэдэн зуун тонноор нь (жишээлбэл 2003 онд 318 тонн) жил бүр хэрэглэж байна.
Энэхүү үнэт металл нь CPU, эх хавтан, нэмэлт картууд, RAM гэх мэт бараг бүх хэрэгсэлд ашиглагддаг. Мэдээж эдгээр төхөөрөмжүүдэд зарцуулах алтны хэмжээ асар бага.
Алтны үнэ тэнгэрт хадаж байгаа сүүлийн хэдэн жил алтыг уурхайгаас олборлохын оронд хуучин ашиглагдсан, эвдэрхий компьютерийн сэлбэгнээс алтыг буцаан гаргаж авч эхэлсэн байна. Яг зөвхөн энэ төрлийн үйл ажиллагаа явуулдаг компаниуд ч сүүлийн үед гадаадад байгуулагдах болжээ.
Ингээд хуучин эх хавтангийн сэгнээс хэрхэн алт гарган авахыг үзүүлье. Зөвхөн сонирхуулах үүднээс үзүүлж байгаа бөгөөд уг процесст орж байгаа химийн бодисууд нь маш хортой учраас туршиж үзэх гэсний хэрэггүй гэж зөвлөе.

IDE холбогч, PCI-express, PCI, AGP, ISA порт, jumper шүднүүд, CPU-ны суурь, DIMM болон SIMM суурь гэх мэт хэд хэдэн газарт алт маш бага хэмжээтэй орсон байдаг.
Эдгээр холбогчууд нь ихэнх тохиолдолд хэдэн микрон зузаан цэвэр алтан давхаргаар хучигдсан байдаг.

Ингээд туршилтын хамгийн эхний хэсэг нь эх хавтангаас эдгээр бүх холбогч болон шүднүүдийг салгаж авах. Бахь, атверка, таслагч гэх мэт багажууд хэрэг болно.

Уг туршилтад дээрхтэй адил маш их хэмжээний шүд болон холбогчууд хэрэг болох бөгөөд нилээд хэдэн эвдэрхий эх хавтан хэрэг болох нь ойлгомжтой.

Мөн зарим багаж хэрэгсэл химийн бодис шаардлагатай.

Энэ хэдхэн микрограмм алтыг ялгаж авахын тулд электролитийн элемент ашиглах шаардлагатай. Саванд 95%-ийн хүхрийн хүчил хийнэ. Катод нь хар тугалга, анод нь зэс байх ёстой бөгөөд сагс хэлбэртэй болгосон зэс анод дээр эх хавтангаас салгасан алттай хэсгүүдийг тавина.

Энгийн аккумлятор цэнэглэгчийг ашиглан уг электролитийн элементээр цахилгаан гүйдэл гүйлгэх ба зэс анод (мөн хавтангаас гаргаж авсан шүднүүд) уусаж, катод дээрх хар тугалга руу татагдана. Харин Зэснээс салсан алт нь шаар байдалтай болж, уг элементийн доод хэсэгт тунагдан үлдэнэ. Уг процессийн үед савны температур нилээд хэмжээгээр нэмэгддэг.

Ингээд бүх алт шүднүүдээс салсан учир одоо саван дахь хүхрийн хүчлийг савны ёроол дахь зүйлүүдийг уусгаж авахаас өмнө ялгаж авна.

Хүчлийг ус руу хийхдээ маш болгоомжтой байх ёстой. Хэрэв буруудах, гадуур нь асгах тохиолдолд хүхрийн хүчил, ууршиж, ойр орчин руу цацагдах аюултай.

Ингээд төрөл бүрийн металл (алтыг оруулаад) агуулсан хэсгийг хүхрийн хүчлийн хольцын уусмалаас шүүж авна.

Ингээд 35%-ийн гидрохлорын хүчил, 5%-ийн натрийн гипохлоритын 2:1 харьцаатай уусмалыг ашиглан уг шүүлтүүр үлдсэн металл болон бохирдлыг задална.

2 HCl + NaClO -> Cl2 + NaCl + H2O

Энэ процессийн үед маш аюултай хлорин хэмээх хий ялгардаг. Хлорин хий нь Дэлхийн I Дайны үед бертолит гэсэн нэртэйгээр химийн зэвсэг болгон ашиглагдаж байжээ.

Хлорин ялгарсны дүнд Алт нь Алтны хлорид (III) хэлбэртэйгээр ялгарна.

2 Au + 3 Cl2 -> 2 AuCl3

Үүний дараа бүх зүйлсийг дахин нэг шүүнэ. Шүүлтүүр нь бүх бусад хольцуудыг шүүж, зөвхөн цэвэр Алтны хлорид (III)-г гаргаж авахад тусална.

Металл хэлбэртэй алтыг уусмалаас тунгааж авах шаардлагатай болно. Үүний тулд нунтагласан Натрийн Метабисульфит хэрэглэнэ. Усанд хийсэн натрийн метабисульфит нь натрийн бисульфитыг үүсгэнэ.

Na2S2O5 + H2O --> 2 NaHSO3
3 NaHSO3 + 2 AuCl3 + 3 H2O --> 3 NaHSO4 + 6 HCl + 2 Au

Ингээд тодорхой хугацааны дараа ёроолд нь хүрэн нунтаг зүйл тунана. Энэ бол металл хэлбэртэй алт. Ингээд алтыг уусмалаас ялгаж авна.

Хамгийн сүүлд нь гаргаж авсан алтны нунтгаа тусгай хайлуулах хэрэгсэлд хайлуулна.
Алтны хайлах температур 1064°C байна.

За ингээд үр дүнд нь нэг иймэрхүү хэмжээний алттай болно доо.
Энэ жишээнд үзүүлсэн хэмжээний эх хавтангийн хаягдлаас гаргаж авсан алт нь зураг дээр байгаачлан жижиг хэмжээтэй бөгөөд гэрийн нөхцөлд иймэрхүү туршилт хийх нь маш их осолтой. Эдийн засгийн үүднээс авч үзвэл дэлхий даяар хог болон гарч байгаа компьютерийн сэгнээс иймэрхүү дахин ашиглаж болох хэсгүүдийг нь ялгаж авна гэдэг нь мэдээж ашигтай.

HTML хэлний тухай /1/

=CyBeR= — Sat, 28 Aug 2010 14:40:28 GMT

Вэб хуудсыг HTML хэлний тусламжтай хийгддэг. HTML хэл нь script хэл бөгөөд ямар нэг хөрвүүлэлт шаарддаггүй, дурын текст боловсруулах програм дээр бичиж болдог. Харин тухайн файлаа *.html юмуу *.htm форматтай хадгалах хэрэгтэй. Дараа нь уг файлаа Вэб браузер програм дээр нээж ажиллуулах хэрэгтэй.
HTML хэлний командуудыг TAG гэж нэрлэх (цаашид таг гэж нэрлэе) ба TAG нь эхлэл ба төгсгөлөөс тогтоно. Эхлэл нь <…> хашилтан дотор, төгсгөл нь

HTML тагуудыг хэдэн хэдэн ангилалд оруулан авч үзэж болно. Үүнд:
1. Html Basics–Вэб хуудасны үндсэн тагууд,
2. Html Text–Текстэн мэдээлэлтэй ажиллах тагууд,
3. Html Lists–Жагсаалт үүсгэх тагууд,
4. Html Images–Зурагтай ажиллах тагууд,
5. Html Links–Холбоос тагууд,
6. Html Backgrounds–Вэб хуудасны дэвсгэрийг тохируулах тагууд,
7. Html Tables–Хүснэгттэй ажиллах тагууд,
8. Html Frames–Frame-тэй ажиллах тагууд,
9. Html Forms–Form, анкеттай ажиллах тагууд,
10. Html Metatags–Хайлтын систем болон браузертай ажиллах тагууд,
11. Html Hexcolors-Өнгөтэй холбоотой тагууд.

Үндсэн HTML хэлний бүтэц нь толгойн хэсэг ба их биеийн хэсгээс тогтох ба HTML, HEAD, BODY гэсэн үндсэн 3 тагийг агуулах бөгөөд дараах хэлбэртэй байна. Үүнд:

. . .
. . . Толгойн хэсэг
. . .

. . .
. . . Их биеийн хэсэг
. . .

Энд:
- - - Тухайн тохиолдолд Вэб хуудсанд ашиглагдсан Javascript, ActiveX Script гэх мэт бусад Script хэлний код HEAD таг дотор тодорхойлогдож болно.
HTML тагууд нь мөн параметр (option)-ууд агуулж болох ба энэ нь хуудсыг нэмэлт боломжуудаар хангаж өгдөг.

HTML source код бичих

Жишээ болгож нэгэн HTML хуудас үүсгэе.

1. Start->Programs->Accessories->Notepad команд сонгож Notepad програмыг санах ойд ачаална.
2. Шинэ файл үүсгээд дараах HTML кодыг бичнэ. Зураг 4.

Тавтай морилно уу!

3. File/Save команд сонгоно.
4. Нээгдэх Save харилцах цонхны Save in талбарт хадгалах замаа зааж өгнө. Жишээлбэл, C:\My Documents г.м.
5. File name талбарт файлын нэр, өргөтгөлийг оруулна. Жишээлбэл, index.html г.м.
6. Save товчлуур дээр дарна.
7. Вэб браузер програмын цонхыг нээнэ. Жишээлбэл, Netscape Navigator.
8. File/Open Page (Open) команд сонгох буюу гарын Ctrl+O товчлуурууд дээр дарна.
9. Нээгдэх Open харилцах цонхны Look in талбарт хадгалсан файлынхаа замыг зааж өгнө. Манай тохиолдолд C:\My Documents болно.
10. Файлынхаа нэрийг сонгон идэвхжүүлнэ. Манай тохиолдолд index.html болно.
11. Open товчлуур дээр дарна.

Жич: Цаашид үүсгэсэн хуудсаа баяжуулахдаа HTML хэлний таг болон уг тагийнхаа онцлог шинжүүдийг судалж BODY таг буюу эх биеийн хэсэгт нэмж оруулна. Өөрөөр хэлбэл

Вэб засварлагч (Web editor) програмуудын тухай

Вэб засварлагч програмыг гурван төрөл болгон ангилж болно. Үүнд:
1. Text Editor-HTML хэлний командуудыг мэддэг тохиолдолд энэ төрлийн засварлагч програмыг ашиглаж болно. Өөрөөр хэлбэл Вэб хуудасныхаа source (эх) кодыг текст файлтай ажиллаж байгаа мэтээр нэг бүрчлэн бичдэг. Жишээлбэл, хуудсанд зураг оруулахын тулд зураг оруулах таг болон уг зургийнхаа замыг заж өгнө. Энэ нь тухайн хуудсыг браузер програм дээр нээхэд зургийг заасан байрлалд дуудан үзүүлдэг. Командаа алдаатай бичсэн тохиолдолд зураг харагдахгүй, хуудсанд дуудагдахгүй байж болно. Текст засварлагч програмууд нь зураг оруулах, хүснэгт зурах гэх мэт зарим нэг командыг хуудсанд хялбархан оруулж болох хэрэгслээр хангасан байдаг.
2. Toolbar Editor-Энэ төрлийн засварлагч програм ашиглаж байгаа үед Вэб хуудсыг Word програмаар боловсруулсан зураг болон бусад объект бүхий баримттай ажиллаж байгаа мэтээр зохион байгуулах боломжтой учраас HTML хэлний командуудыг заавал мэддэг байх албагүй. Жишээлбэл, Вэб хуудас дээрээ командын хэрэглүүрийн тусламжтай зургийг оруулсан тохиолдолд засварлагч програм дээр тухайн зураг шууд харагдаж, HTML код дээр өөрчлөлт нь шууд бичигдсэн байдаг. Ийм төрлийн засварлагч програмуудын сул тал гэвэл эх кодоо засварлах шаардлагатай үед өөр ямар нэгэн текст засварлагч ашигладаг явдал юм.
3. Text & Toolbar Editor-Энэ төрлийн едитор програмууд нь Вэб хуудсаа командын хэрэглүүрийн тусламжтай зохион байгуулж шаардлагатай үед тухайн едитор програм дээрээ Вэб хуудсынхаа эх кодыг засварлаж болдог.

Интернэтээс дээрх төрлийн засварлагч програмуудаас өөртөө тохирохыг, төрөл бүрийн сайтуудаас татаж авч, судалж болно.

Технологийн учруулсан 10 хор хөнөөл

=CyBeR= — Mon, 23 Aug 2010 09:58:29 GMT



Компьютерийн програмд гарсан алдаанаас гацах бол юу ч биш. Тэдгээр алдаануудаас болж машин тэрэг эвдэрч, пуужин дэлбэрч, хүмүүс амь үрэгдэх тохиолдол гарч байжээ. 1945 онд Harrward Mark 2 компьютерийн корпусан дотор инженерүүд цагаан эрвээхэй олсон нь түүхэн дэх хамгийн анхны компьютерийн Bug-ээр бүртгэгдсэн байна. Инженерүүд тэмдэглэлдээ "Bug олсон” гэж бичсэнээс хойш компьютерийн алдааг Bug (Bug нь англиар шавж хорхой гэсэн утгатай) гэх болсон гэдэг. Тоон технологи бүхий төхөөрөмжүүд дэлгэрэх тусам Bug-ууд ч бидний амьдралд улам нэвтэрсээр байна. Ингээд хүн төрөлхтөнд хамгийн их хохирол учруулсан 10 bug-ийг танилцуулъя. 1962 оны 7-р сарын 28 Mariner сансрын хөлөг венера гариг руу аялахаар хөөрсөн ч антен хугарснаас газрын удирдлагын албатай холбоо алдагдаж, хөлөг онгоц өөрийн удирдлагын системд шилжсэн байна. Гэвч энэ системд бяцхан боловч ноцтой bug байжээ. Ингээд хөлөг өөр тийшээ нисэж, Атлантын далай дээр түүнийг дэлбэлж живүүлэхээс өөр аргагүйд хүрсэн байна. Хожим хийсэн шинжилгээгээр жолоодлогын системийг програмчилж байхдаа нэгэн томъёонд ганцхан тэмдэгт орхиж бичсэнийг олж тогтоожээ. 1982 он Транссибирийн дамжуулах хоолойд гарсан аваар. Хийн дамжуулах хоолойнуудыг удирддаг Канадын програм хангамжид Тагнуулын төв газрын агентууд bug оруулжээ. Үйлдвэрийн тагнуул хийж байсан Зөвлөлтийн тагнуулчид үүнийг мэдэлгүй програм хангамжийг хулгайлж Транссибирийн дамжуулах хоолойг удирдах системд нэвтрүүлжээ. Улмаар хүн төрөлхтний түүхэнд гарсан хамгийн том цөмийн бус дэлбэрэлт болсон байна. 1985-1987 он Thereac-25 маркийн эмнэлгийн хурдасгагчаар туяаны шарлаганд орж байсан хүмүүс үхэлд хүргэх хэмжээний туяаны хордлого авчээ. Тус төхөөрөмжийн програм хангамжийг туршлагагүй залуу програмч бичсэн бөгөөд үүнээс болж 5 хүн нас барж, олон хүн гүн хордлогонд орсон байна. 1988 он Berkley Unix системд гарсан алдаа. Дэлхийн хамгийн анхны компьютерийн өт (Моррисийн Worm) нь нэг өдрийн дотор 2000-6000 компьютерт халдаж мэдээллийг устгажээ. Berkley Unix системийн gets (оролт гаралтын тэмдэгтийн хязгаар) байгаагүйгээс болсон ажээ. 1988-1996 он Kerberos маркын тохиолдлын тоон генератор нь олон жил мэдээлэл нууцлах системд хэрэглэгдэж байжээ. Хэдэн тэрбум тооноос тохиолдлын (санамсаргүй) тооггаргаж авч байна гэж бодож байсан боловч хэрэг дээрээ хамаагүй бага буюу сая орчим тооноос гаргадаг байжээ. Үүний үр дүнд Kerberos хамгаалттай компьютерийн системд төвөггүй нэвтэрч болохоор болсон байна. 1920 оны 1-р сарын 15 AT&T системийн утасны шугам сүлжээний саатал. Хот хоорондын коммутаторуудыг ажиллуулдаг шинэ програмд байсан алдаа нь тус коммутатор хажуугийнхаасаа тусгай сигнал авснаар дахин ачаалж байсан явдал юм. Хамгийн гайтай ньэнэхүү сигнал коммутаторыг дахин ачаалж байхад гардаг сигнал байсан байна. Нэг өдөр Нью-Йоркийн нэгэн коммутатор дахин ачааллахад гинжин холбоо үүсэж хажуугийн 114 коммутатор зогсолтгүй 6 секунд тутам дахин ачааллажээ. 60 мянган хүн 9 цагийн туршид хот хоорондын холбоогүй болсон байна. 1993 он Өргөн дэлгэр реклам сурталчилгаа явуулсан Intel Pentium процессор хөвөгч таслалтай тоог буруу хувааж,0,006% хувийн алдаа гаргаж байжээ. Энэ ньөргөн хүрээний хэрэглэгчдийг хамраагүй ч гэсэн тус компаний нэр хүндэд маш муугаар нөлөөлсөн. Эхний үед Intel компани нь тооцоолон бодолтод ийм нарийвчлал хэрэгтэй гэдгээ баталсан хэрэглэгчдэд процессорыг сольж байсан боловч сүүлдээ хүссэн бүх хүмүүст солихоор болсон. Энэжижиг алдаа нь тус компанид 475 сая долларын хохирол учруулсан гэдэг. 1995-1996 он Үхлийн пинг.IP багцыг боловсруулахад гарч болох алдааг хянахгүй байсан нь ямар ч үйлдлийн системийг эвдэх боломжтой байсан байна. Үүний тулд интернэтээр тусгай пинг пакет /”ping”/ явуулахад л хангалттай байжээ. 1996 оны 6-р сарын 4 Европын эрдэмтдийн олон жилийн хөдөлмөрийн үр дүнд бүтсэн, Европын холбооны бахархал болсон Ariane-5 сансрын хөлөг хөөрснөөсөө хойш 40 секунд болоод дэлбэрчээ. Зөвхөн эрдэм шинжилгээний тоног төхөөрөмж л гэхэд 500 сая долларын үнэтэй байсан аж. Компьютерт гарсан алдаанаас болж процессор ажиллагаагүй болж, өөрийгөө устгах систем ажилласан байна. Энэ сүйрэл нь мөн л програмын алдааг хянах систем байгаагүйгээс болсон байна. 2000 оны 11-р сар Панамын хорт хавдар судлалын үндэсний төвд АНУ-ын MultiData Systems International компанийн үйлдвэрлэсэн цацраг туяаны төхөөрөмж удирддаг програм хангамж нь туяаны хэмжээг буруу тооцоолж байсан явдал юм. Үүнээс болж 8 хүн нас барж, 20 хүн хордлого авсан байна. Програмын тооцоог дахин шалгах ёстой байсан эмч нар хүн амины хэргээр яллагджээ.

О.Жаргал Хакер ном

=CyBeR= — Sun, 22 Aug 2010 10:36:58 GMT

Монголдоо ганц хакерын тухай ном юмуудаа. Лол. Pdf форматтай.

Adobe Reader татах .
О.Жаргал Хакер ном татах

Вирус үүдийн ангилал

=CyBeR= — Sat, 21 Aug 2010 06:46:25 GMT

@m
"Mailer" гэсэн vгийн товчлол бєгєєд имэйлээр тардаг вирусыг ийнхvv нэрлэдэг. Жишээ нь: Монголд тухайн vедээ хамгийн єргєн тархсан Happy99 (w32.Ska) вирус нь имэйл илгээсэн хvн рvv Happy99 гэсэн хавсаргасан файл бvхий имэйлийг эргээд илгээдэг.

@mm
"Mass-Mailer" гэсэн vгийн товчлол бєгєєд олон хvнд нэг захиаг зэрэг тараадаг вирусыг ингэж нэрлэдэг. Жишээ нь: Melissa вирус нь таны имэйлийн программ дахь хаягын жагсаалтанд байгаа бvх хаяг руу вирустэй захиаг тараадаг.

Bug
Программ хангамж дахь программын алдааг хэлнэ. Жишээ нь : Тєрєл бvрийн browser программууд болох Internet Explorer, Netscape Navigator, Firefox дээр нууцлалын бэрхшээл гардгаас гадна 1999 оны сvvлчээр Y2К буюу 2000 оны он тооллын асуудал гарсан билээ.

Hoax
Hoax нь вирус биш юм. Ихэвчлэн нэг хvнээс анхлан илгээж олон хvн дамжин нэг нэг рvvгээ явуулсан уг захианд хуурамч вирусын талаар бичсэн байдаг. Захиа нь хэнд ч vнэмшигдэхээр байдаг бєгєєд vvнээс vvдэн хvмvvс зарим нэг хэрэгтэй файлаа устгах, мєн бусад танил нєхєд рvvгээ уг вирус халдчих вий гэж анхааруулах vvднээс уг захиаг явуулдаг. Дараах шинж тэмдгvvдээр нь hoax-г таньж болдог:
- Хавсаргасан файл байдаггvйгээр нь
- Хор хєнєєл ихтэй шинэ вирус гарсныг анхааруулснаар нь
- Бусад таньдаг найз нєхєд рvvгээ уг захиаг явуулахыг хvссэнээр нь
- FBI, мэдээллийн агентлагууд, программ хангамжийн компаниудаас анхааруулсан захианы ишлэлээс нь
Хэрвээ та дээрх шинж тэмдгvvд илэрсэн захиа авбал уг захиаг єєр хvнд илгээхгvйгээр дор нь устгаарай. Hoax-н жишээнvvдээс дурдахад Klingerman Virus болон SULFNBK Hoax нар юм. "Klingerman Virus" hoax -н гол утга нь вирус танд электрон шуудангаар бус ердийн шуудангаар хvрэх бєгєєд "A Gift For You From The Klingerman Foundation" гэсэн vгнvvдийг тодоор бичсэн дугтуйг задалбал таны компьютер бус бие тань вирусээр халдварлана гэж анхааруулсан байдаг. Харин SULFNBK Hoax нь захиандаа 2001 оны 6-р сарын 1-нд компьютерээ ашиглахгvй байхыг анхааруулаад хэрвээ асаасан бол вирус идэвхижин хатуу дискэн дээрх бvх директор, файлуудыг арилгах тул vvнээс ємнє C:\Windows\Command директор дахь SULFNBK.EXE файлыг устгавал ямар ч аюулгvй болно гэсэн байдаг.

Joke
Таны компютерын дэлгэц дээр янз бvрийн хєгжилтэй vйлдлvvдийн харуулах аливаа нэгэн сєрєг нєлєє багатай программ юм. Жишээ нь: гэнэт дэлгэц амраах screen-saver ажиллах гэх мэт.

Trojan horse
Trojan horse гэсэн хэллэг нь эртний Трой (Troy) хотоос гаралтай бєгєєд Грекvvд заль зохион дотроо хєндий модон морьнууд хийж, улмаар єєрсдийн зэвсэглэсэн цэргvvдийг нуун эвлэрэхийн билиг тэмдэг болгон Tрой хот руу илгээснээр хотыг эзэлж авсан тvvхтэй. Яг vvн шиг Trojan horse вирус нь хvмvvст имэйлээр ирэхдээ ердийн тоглоом, зургын файл эсвэл screen saver зэрэг шиг харагдах авч уг файлыг ажиллуулвал таны компьютер дэхь файлуудыг устгах, Registry файлд єєрчлєлт оруулах мєн Backdoor программ суулган хакеруудад IRC ашиглан вирустсэн компьютер дээрх бvх зvйлийг хянах боломжийг олгодог. Trojan horse нь єєрийгєє имэйлээр тараадаггvйгээрээ Worm-оос ялгаатай байдаг.

Virus
Єєрєє єєрийгєє хуулбарладаг программ эсвэл код байх бєгєєд бусад тєрлийн программ, Boot sector, Partition sector болон maкротой документуудад халддагаас гадна тухайн программ, документ дээр єєрийгєє нэмж суулган хавсаргадаг. Ихэнх вирус нь єєрийгєє хуулбарладаг бєгєєд vvнээс олонх нь компьютерт эвдрэл гэмтлийг учруулдаг байна.

Worm
Єєрєє єєрийгєє хуулбарладаг программ. Жишээ нь: нэг диск драйвераас нєгєєд хуулах, имэйл болон бусад захиа илгээх механизмуудыг ашиглан єєрийнхєє хувийг илгээх г.м. Компютерын хэвийн ажиллагааг гэмтээх хор хєнєєлтэйгєєс гадна ихэвчлэн инээдмийн хєгжилтэй программ хэлбэрээр ирдэг.

Polymorphic viruses
Антивирусын программаар илрvvлэхгvйн тулд єєрийгєє олон тєрлєєр хувилж чаддаг вирусыг Polymorphic virus гэдэг. Зарим полиморфик вирус нь єєр тєрлийн багцлах программийг ашигладаг бєгєєд мєн єєр тєрлийн задлах программийг шаарддаг. Їvнээс шалтгаалан нэг вирус єєр єєр тєрлийн систем дээр эрс ялгаатай харагддаг байна. Полиморфик вирусvvдийн хамгийн дэвшилттэй вирус нь mutation-engine болон random-number generators буюу тохиолдлын тоо vvсгэгч ашиглан вирусын код, задлах зарчмаа єєрчилж чаддаг байна.

Memory-resident Virus
Вирустэй файлыг нээх эсвэл ямар нэг файлд халдсаны дараа санах ойд байрладаг вирусыг memory-resident вирус гэдэг. Харин non-memory-resident вирус нь зєвхєн вирусээр халдварласан файл, программ ажиллаж байх vед л идэвхитэй байдаг.

Sniffer
Сvлжээний ачааллыг хянадаг программ юм. Хакерууд энэ программийг ашиглан сvлжээгээр єгєгдєл дамжуулдаг.

VBS
Visual Basic Script нь программийн хэл бєгєєд системийн vйлдлvvдийг хэрэглэгчийн оролцоогvйгээр гvйцэтгэх боломжийг олгодог. Жишээ нь системийг эхлvvлэх, унтраах г.м. VBS программийг HTML файлд ч хэрэглэж болдог. Ийм файлын єргєтгєл нь VBS байдаг.

Macro virus
Ямар нэгэн хэрэглээний программийн дотоод макро хэлийг ашиглан бичсэн код сигмент эсвэл программ байж болдог. Зарим макро єєрийгєє хуулбарладаг бол зарим нь документэд халдаж гэмтээдэг.

False Positive
Антивирусын программ санах ойд вирус байгааг мєн системийг болон файлыг гэмтээх вирус байна гэж буруу мэдэгдэхийг False Positive гэдэг. Vvнийг мєн false alarm гэж нэрлэдэг.

False Negative
Антивирусын программ вирусыг олж илрvvлж чадахгvй байгааг False Negative гэдэг.

Exe file
Exe нь executable гэдэг vгийн товчлол бєгєєд ажилладаг программ файл юм. Ийм файлыг сонгоод 2 дарах эсвэл файлын нэрийг командын мєрнєєс єгєхєд шууд ажилладаг. Executable файл нь batch буюу .bat єргєтгєлтэй файлаас болон тєрєл бvрийн скрипт файлуудаас дуудагдан ажиллаж болдог. Vvнийг мєн программ файл гэж нэрлэдэг. .com єргєтгєлтэй программ файлууд байдаг ч ихэнх нь .exe єргєтгєлтэй байдаг.

Yahoo messenger -ын рекламыг арилгах

=CyBeR= — Sat, 21 Aug 2010 05:29:16 GMT

1. Windows Explore програмаар C -> WINDOWS -> system32 -> drivers -> etc дарааллаар ор.
2. Баруун самбарт hosts гэсэн файл байга. Тэрийг notepad програмаар нээгээрэй.
3. Нээгдэх хуудасны хамгийн доор байрлах мөрөнд 127.0.0.1 localhost гэж байгаа.
4. localhost -ыг insider.msg.yahoo.com -ээр өөрчилөөд биччих. Тэгээд файлаа хадгалаад YM -ээсээ гараад буцаад ор.

Өмнө нь Дараа нь